Heb 3 | DOB | STEP | Gosegwao, 'omi be 'abo'agu Yaubada 'iesinuweda 'ina sena manuna, 'ilobwenena be Yesu tanuwa'i'isi, manuna tauna 'ida tapwalolo 'ana tosimana be wate 'ida totaliya sinabwana,

Hebrews 3

Yesu Mosese 'iloetana sinena

1 Gosegwao, 'omi be 'abo'agu Yaubada 'iesinuweda 'ina sena manuna, 'ilobwenena be Yesu tanuwa'i'isi, manuna tauna 'ida tapwalolo 'ana tosimana be wate 'ida totaliya sinabwana, 2 ga 'ietaetapewa 'ina guinuwa nina Yaubada 'i'ebwa'ena manuna, nadigega lowa Mosese 'ietaetapewa'esa Yaubada 'ina anuwaya.

3 'Enega Yesu tupu sinabwana 'ilobena, ta Mosese 'ana tupu tupwana namo tuga, 'atuwa nadigega anuwa bobo'ana nigeya tauna tupu sinabwana 'ida lobena sa'i, ta 'ana to'abi esi. Ta Mosese nadigega anuwa, ta Yesu to'abi.

4 Ona'ai'aila, anuwa 'ebweuna 'ebweuna 'adi to'abi simiyami, ta yage maibo'adi 'adi toguinuwa Yaubada.

5 Mosese Yaubada 'ina anuwaya 'ietapewa toguinuwa 'atuwa, ga Yaubada 'ina onao yage nidi ma'etamo sida apwesa manudi 'isimana apwesedi. 6 Ta Keliso Yaubada 'ina anuwaya 'ietapewa nigeya toguinuwa 'atuwa ta esi tauna natu 'ai'ailina.

'Abo'ada Yaubada 'ina anuwa nina tuga, 'eguma taemisa ataya ma ida 'atepatu be ma ida gwausowala.

Yaubada 'ana bodao 'etamo taeyawai'ata

7 'Enega Yaluyaluwa Tabuna 'ieoneda, 'igwae,

“Batuwa, 'eguma 'enana wanono, 8 geya'abo sa'i wadebadeba pa'ala nadigega tubumiyao lowaenei mitawaya sitoogu, ta 'igu loina siguitoyasena. 9 Manuna yakwala poti soladiya

'igu guinuwa waiwaidi yaudi si'itedi, ta tubumiyao nidi 'idi lomugi be 'idi 'eetete 'ediyega sitoogu ga manudi yalo'ame'ame, ga yagwae, ‘Tuta maibo'ana taudi 'idi nuwenuwega sitautauya gesi, manuna 'igu 'eda nigeya simwalamwalatoni.’ 11 'Enega yagamwasowaledi ga yaba'edi, yagwae, ‘Geya'abo wate 'igu 'ebe eyawai'ata 'ena silugulugu.’ ”

12 Gosegwao, wa'ita'i'isimi be geya'abo wadebadeba pa'ala nai waneeneta 'abona nai Yaubada mayawasina wamiyasine.

13 Ta gete tuga taumimo waelemalema 'asiyata 'ebweuna 'ebweuna 'ediya, be 'enega geya'abo bubuna to'umalina 'ena wakwanikwani be Yaubada 'enana waloguitoyase.

14 'Abo'ada lowa 'ida emisa Keliso 'ena tasa'una, ta 'abo 'ida emisa nina tagiyai'i'isi be 'ana laba tuta 'ana 'ebe losalowa 'enaya, Keliso ma'edai taegwausowala leleleya. 15 Nadigega Yaubada 'ina ona 'igwae, “Batuwa 'abo 'ina ona wanono, geya'abo wadebadeba pa'ala nadigega tubumiyao lowaenei 'igu loina siguitoyasena.”

16 Yaisigedi Yaubada 'ina ona sinononaya ta siguitoyasena? Taudi Mosese Itipita 'enega 'ianuganedi ga siapwesama, aga?

17 Ta wate taudi yakwala poti soladiya 'idi bubuna to'umalidi manudi Yaubada 'ilo'ame'ame, 'enega toto'umalina nidi mitawaya simwawasa.

18 Manuna taudi 'ina ona nigeya simulimuliye, 'enega 'iona upaupaedi ga 'igwae, “Geya'abo wate 'igu 'ebe eyawai'ata 'ena silugulugu.” 19 'Enega tamwalamwalatoni 'aene taudi nigeya silugulugu, manuna nigeya siemiemisa. 14:21-23v14 Ib 3:6v15 Sam 95:7-8v16-18 Num 14:1-3,26-33